top of page
Zwoi Teenager im Bus
Von Judith Stadlin
Ich starre im ÖV mängisch nid ufs Handy. Ich lose defür gärn echli umenand, wie d Lüüt mitenand redid.
Im letschte Herbscht han i z Zug im Bus, wo diräkt a d Herbschtmäss usefahrt, zwoi Jugendlichi ghört.
S Meitli strahlt de jungi Maa aa.
Si frogt:
«Was machsch am Wuchenändi?»
Er zuckt mit de Achsle:
«Am Samschtig Sport.»
Si hoogget noche:
«Und am Sunntig?»
Er, liecht verschmäukt:
«Ich bi Minischtrant.»
Si:
«Was? Hä?»
Er:
«Ähm, ich bi Mässdiener.»
Si:
«Voll geil! A de Zuger Mäss?! Ich chume verby, Mann!»
bottom of page